Хабарландыру

Құрметті клиенттер!

Сіздерді «Қазақстан Республикасының кейбір заңнамалық актілеріне Қазақстан Республикасының қылмыстық заңнамасын оңтайландыру мәселелері бойынша өзгерістер мен толықтырулар енгізу туралы» Қазақстан Республикасының 16.07.2025 жылғы Заңымен мыналарға өзгерістер енгізілгені туралы хабарлаймыз:

• «Төлемдер және төлем жүйелері туралы» Қазақстан Республикасының Заңы (бұдан әрі – Төлемдер туралы Заң);

• Қазақстан Республикасының Қылмыстық кодексі (бұдан әрі – ҚР ҚК).

Көрсетілген түзетулер үшінші тұлғаға өзінің банктік шотына және/немесе электрондық төлем құралына рұқсат берген, сондай-ақ төлем құралдарын үшінші тұлғаның пайдалануына, оның ішінде материалдық өтемақыға берген, олардың заңсыз операцияларда рұқсатсыз пайдаланылуына әкеп соққан тұлғаларға қылмыстық жауапкершілікті белгілейді.

Атап айтқанда, Төлемдер туралы Заңның жаңа 25-бабының 14-тармағына сәйкес мыналарға тыйым салынады:

• банктік шотқа, төлем құралына, сәйкестендіру құралына қолжетімділікті беру, сондай-ақ оларды үшінші тұлғаларға беру (жұбайына және жақын туыстарына, сондай-ақ заңда белгіленген жағдайларда өзге де тұлғаларға беруді қоспағанда);

• үшінші тұлғалардың банктік шотын, төлем құралын немесе сәйкестендіру құралын пайдалана отырып төлемдер мен ақша аударымдарын жүзеге асыру (жұбайын және жақын туыстарын қоспағанда);

• үшінші тұлғаның мүддесінде немесе пайдасына материалдық өтемақы не мүліктік пайда үшін төлемдер мен ақша аударымдарын жүзеге асыру.

Жоғарыда айтылған нормаларды бұзғаны үшін жауапкершілік ҚР ҚК-нің 232-1-бабында белгіленген және материалдық айыппұлдан бас бостандығын шектеуге дейін немесе мүлкін тәркілей отырып 5 жылға дейін бас бостандығынан айыруды көздейді.

Бұл ретте, санкцияланбаған төлемдер мен ақша аударымдарын жүзеге асыру мақсатында банктік шотты, төлем құралын не сәйкестендіру құралын басқаруға заңсыз қол жеткізу үш жылдан жеті жылға дейінгі мерзімге бас бостандығын шектеумен не мүлкін тәркілей отырып сол мерзімге бас бостандығынан айырумен жазаланады.

Аталған түзетулер 2025 жылдың 16 қыркүйегінен бастап күшіне енеді.

Осыған орай, Сіздерден сақтық танытып, өз карта/шот деректеріңізді бермеулеріңізді сұраймыз.

Қамқорлықпен, «Шинхан Банк Қазақстан» АҚ