Институционалдық, корпоративтік және жеке клиенттерге қызмет көрсетудің жоғары деңгейін қамтамасыз ететін сенімді, сыйлы, алғыр және табысты қаржылық институт және серіктес болу.
БАНК ҚЫЗМЕТІНІҢ МАҚСАТЫ
Біздің стратегиялық мақсатымыз – алға қойылған даму концепциясы мен Қазақстан Республикасындағы миссияны тәмамдау жолында «тұрақты өсу үшін берік іскерлік негіз» салу болып табылады. Бұл мақсатқа тиімді жету үшін, Банк табыстардың құрылымын жетілдіреді және өзінің өсуінің тиімділігін арттырады.
Банктің негізгі мақсаттары болып табылатындар:
Нарықтың қарқынды дамып келе жатқан талаптары жағдайында инновациялық шешімдерді енгізу үдерісінде жоғары сапалы қызмет көрсету кезінде Банктің клиенттеріне банктік өнімдердің барлық саласы бойынша кәсіби қызмет ұсыну;
банктік қызмет көрсету негізінде пайда табу, жеке және заңды тұлғаларға, Қазақстан Республикасының резиденттері мен резидент еместеріне банктік қызмет көрсету, сыртқы экономикалық байланыстарды дамыту үшін халықаралық қаржылық институттармен тікелей байланыстар орнату, шетелдік ұйымдармен іскерлік ынтымақтастықты жетілдіру және нығайту.
БАНКТІҢ НЕГІЗГІ МІНДЕТТЕРІ
Негізгі мақсатты жүзеге асыру үшін келесі міндеттер анықталған:
клиенттерге көрсететін қызметтің сапасын арттырумен бірге, клиенттерге ұсынатын қызмет тізімін кеңейту үшін банктік қызмет нарығындағы сұранысты ғаламдық және уақтылы зерттеу жүргізу, Банк ресурстарын барынша тиімді пайдалану жолымен комиссиялық сыйақы мөлшері мен Банк тарифтерін бір мезгілде төмендету және банк операцияларын жүргізген кезде тәуекелдерді азайту;
корпоративтік және жеке деңгейде банктік қызмет көрсетуге деген сұраныс пен сапаға ықпал ететін факторларды бағалау және талдау жүргізу;
Қазақстан Республикасындағы қолданыстағы заңдылықтың талаптарына сәйкес Банктің клиенттеріне қызмет көрсетудің кәсіби, сапалы және замануи деңгейін қамтамасыз ету;
банктік операцияларды жүргізген кезде пайдаланылатын технологияны жетілдіру;
бизнесті жүргізудің әлемдік стандарттары мен халықаралық қаржылық нарықтарға шығуға тырысу.
Русский
Қазақша
English
한국어
